NAKUUSA – piumavugut saperatalu

Kalaallit Nunaanni Namminersorlutik Oqartussat inooqatigiinnut aningaasaqarnermullu tunngasut eqqarsagassiisumik suliaralugit aallartissimavoq. Pingaaruteqarporli inuit tamarmik inooqatigiit iluanni akisussaaffimmik tigusinerunissaat, nammineq allallu atugarissaarnissaat inooqatigiinnilu ajornartorsiutit aaqqiiviginissaannut suliniaqataanissaat anguniarlugu.
Nalunaarusiap inuusuttut inissisimaffiat, tamanna pillugu, erseqqissarpaa. Inuusuttut eqimattat ilisimasaannut, inooqatigiinni ajornartorsiutinut tunngasut, iliuusissallu pillugit qanoq isumaqarnersut nalunaarusiami atuarneqarsinnaavoq. NAKUUSA iluarsartuullugu pilersaarusiaasoq Kalaallit Nunaanni Namminersorlutik Oqartussat; Ilaqutariinnermut, Kultureqarnermut, Ilageeqarnermut Naligiissitaanermullu Naalakkersuisoqarfiata UNICEF Danmarkimeersoq suleqatigalugu piviusunngortinneqarpoq. Iluarsartuullugu pilersaarusiaq assigiinngitsunik sammisassartaqarpoq, taakkualu inuusuttut atugaat pisinnaatitaaffiisalu Kalaallit Nunaanni nukittorsarneqarnissaannut isumannaajaasuullutik. SFI iluarsartuullugu pilersaarusiami, ukiuni sisamani ingerlasussami, siunnersuisutut inissisimavoq, ukiunilu taaneqartuni; 2012, 2013, 2014 aamma 2015-imi minnerusumik nalunaarusiortassalluni.
Una nalunaarusiaq iluarsartuullugu pilersaarusiami siulliulluni suliaavoq. Nalunaarusiaq spørgeskemap inerneranik imaqarpoq, taannalu inuusuttunik, oktober 2011-imi Ilulissani NAKUUSA Youth Forum-imut ilaasunik, 13-15-inik ukilinnik 38-usunik immersorneqarsimalluni. Nalunaarusiap anguniaraa inuusuttut inooqatigiinni ajornartorsiutit periarfissarititallu pillugit ilisimasaat isumaallu saqqummiuppai. Nalunaarusiaq UNICEF Danmarkimiit aningaasaliiffigineqarpoq.