Nakuusamit makku illikkarpavut

Misissuinerni tulleriinni sisamani, NAKUUSAmik suliniummik, sammisanik/suliniutinik, Kalaallit Nunaanni meeqqat atugaasa pisinnaatitaaffiisalu patajaallisarneqarnissaannik qulakkeerisussanik, malinnaasuni kingullersaavoq. Misissuinermilu uani inuusuttut NAKUUSAp meeqqanut isummersortartuini peqataasunik sammisaqarpoq. Misissuinermi apeqqutit makku paasiniaaffigineqarput: • Meeqqat pisinnaatitaaffii pillugit inuusuttut sunik ilikkagaqarpat? • NAKUUSAp ingerlataanut sorlernut inuusuttut peqataasimappat? • Inuusuttut, inuusuttunik allanik inuuniarnikkut ajornakusoorutilinnik sunik ilisimasaqarpat? • Akissussaaffimmik tigusiniarlutik inuusuttut namminneq qanoq iliorsimappat, kikkullu meeqqanik inuusuttunillu inuuniarnermikkut ajornakusoorutilinnik ikiuinissamut akisussaaffeqartut taakku isumaqarpat? Angajoqqaat inuuniarnermikkut ajornakusooruteqaraangata tamanna meeqqat inuunerannut qanoq sunniuteqartarnersoq inuusuttut isummersortartuni peqataasut ilisimaarigaat nalunaarusiap ersersippaa. Peqatigisaanillu pisinnaatitaaffiit Kalaallit Nunaanni meeqqanut inuusuttunullu nutaamik inuuneqalernissamut aqqutissaasutut inuusuttunit isigineqarput. Apersorneqartut allannguisinnaanermut annertuumik peqataarususseqarput, qanorli iliortoqarsinnaaneranik annikitsuinnarmik ilisimasaqarput. Amerlanerillu angajoqqaat ikiuinissamik akisussaaffeqarnerunerannik isumaqarput. Inuusuttullu arlaannaataluunniit pisortat neqeroorutaat ikiuisinnaanermut periarfissatut taanngilaa. NAKUUSA-mik suliniut 2011-mili ingerlavoq, Ilaqutariinnermullu, Naligiisitaanermut Isumaginninnermullu Naalakkersuisoqarfiup, Kalaallit Nunaanni Namminersorlutik Oqartussat kiisalu UNICEF Danmarkip suleqatigiillutik ingerlappaat. Action=1&NewsId=5919&PID=9267#sthash.StCSN2bp.dpuf