NAKUUSAP aallartinnerata Ukiut marluk kingorna

Nalunaarutissami suliaqarnermi paasiniarneqarpoq 2011-mi Ilulissani Youth Forum-imi inuusuttut peqataasut inuiaqatigiinni pissutsinut tunngasut pillugit isumaat periusaallu nikeriarsimanersut.
Youth Forum tassaavoq suliniutip NAKUUSAp sammisassaqartitsinera siulleq; Ilaqutariinnermut Inatsisinillu Atuutsitsinermut Naalakkersuisoqarfik, Naalakkersuisut kiisalu UNICEF Danmark suleqatiginerisigut ingerlanneqartoq. Suliniutip anguniagarai meeqqat atungarisaasa pitsanngorsarneqarnissaat aammalu FN-ip meeqqat pillugit isumaqatigiissutaat naapertorlugu meeqqat tunngaviusumik piginnaatitaaffiisa qulakkeerneqarnissaat.
Youth Forum-ip 2011-imi 2013-imilu ingerlanneqarnerani inuusuttut peqataasartut isumaasa periusaasalu qanoq nikeriartigisimanerat misissorniarlugu apeqqutinik assigiinnik tunineqarsimapput. Nalunaarusiap inernerit 2013-imeersut imarai, nikeriarnerlu annikissimasoq inernerit ersersippaat.
Inernerit katiternerisigut aammattaaq ersersinneqarpoq inuusuttut arlallit isumaqartut inuiaqatigiinni ajornartorsiutit isumaginissaannut inuit immikkut ittunik suliallit akisussaaffik tigummigaat; tassa nunatta aaqqissuussaaneranut ingerlatsisunut, peqatigiiffinnut, politikerinullu akisussaafiginerarneqarlutik.